Avlyst BaseCamp Sommar, Tungestølen (13-16 år)

Arrangement

Fra dato
22. juni kl. 12:00
Til dato
26. juni
Vanskelighetsgrad
Middels  
Passer spesielt for
Ungdom
Turtyper
Arrangement, Basecamp, Aktivitet Klatring, Aktivitet Kajakk, Bretur, Tungestølen, Dntungdom, Turkatalog2020_Bretur, Turkatalog2020
Arrangør
Sogn og Fjordane Turlag
Turområde
Breheimen med Jostedalsbreen (se kart)
Avlyst: Denne aktiviteten er dessverre avlyst. Pga korona blir det vanskelig å gjennomføre BC Tungestølen i 2020.

Er du mellom 13 og 16år og ynskjer ei utfordring? Då er BaseCamp Sommar på Tungestølen 22.-26.juni noko for deg! På ei lita veke får du prøvd mellom anna brevandring, klatring ute, kajakkpadling og fotturar. Det er både lærerikt, utfordrande og sosialt! Meld deg på saman med ein ven eller åleine, i løpet av dagane på Basecamp har du garantert fått nye turvener.

Kva er BaseCamp Sommar? På BaseCamp Sommar får du testa ut mange ulike og spennande aktivitetar. Dette kan vere alt frå klatring, kajakk, bretur og fotturar, samt teltliv og koselege kveldar rundt bålet. BaseCamp er fyrst og fremst utroleg sosialt, og du vil garantert bli kjend med mange andre ungdomar på same alder. Det vert ikkje sett spesielle krav til ferdigheiter eller forkunnskap om friluftsliv. Under BaseCamp har me ein fast leirstad der me søv i lavvo, og syter sjølv for matlaging. Program kjem etter kvart!

Nyfiken på kor Tungestølen er? Tungestølen ligg i Austerdalen i den sørlege delen av Jostedalsbreen i Luster Kommune mellom bratte fjell og brearmar. Sjå her: https://ut.no/hytte/10976/tungestlen

Følg fv. 337 inn frå Hafslo inn til Veitrastrond, det er køyreveg heilt fram til campområdet. Køyr fram til bommen som er inst i dalen (bompeng kroner 50), og hald fram på grusveg ca. 2-3km. Samla køyretid frå Sogndal til Tungestølen er ca. 1t 25min.

Ikkje medlem i DNT? Det kostar kr 215 for skuleungdom (13-18 år).-, og du kan melde deg inn her: https://www.dnt.no/innmelding/registrering/?

 

Generell informasjon

Aktivitetane vil gå føre seg i gangavstand frå campen. Alle deltek på fellesaktivitetane. Det vert fleire leirleiarar, som er tilstades under heile campen. I tillegg vil det vere instruktørar og hjelparar til dei ulike aktivitetane. Desse personane vil variere ut ifrå aktiviteten. Det er ikkje mobildekning i området. 

Kva treng eg ha med? Eit brev med informasjon vert sendt ut til alle deltakarane i forkant av BaseCamp med naudsynt informasjon, samt pakkeliste. Me stiller med spesialutstyr til aktivitetane, samt bestikk, kopp og fat.

Leirplass. Alle søv i lavvoar. I tillegg er det ein stor lavvo som vil bli brukt til felles samlingsplass, felles måltid og sosialt samvær.

Tryggleik. Det vert gjort risikovurdering av området og aktivitetane på førehand. Det er viktig at deltakarane rettar seg etter dei instruksane som vert gjeve med omsyn til dette. Me har sjølvsagt førstehjelpsutstyr.

Mat. All mat vert kjøpt inn felles. Frukost et me i leiren. Me lagar oss lunsjpakkar, som me et midt på dagen. På kvelden lagar me felles middag på grill, kokeapparat eller steinomn. Me set opp meny for middag på førehand. Mat som treng kjøling vert oppbevart i kjøleskap.

Sanitære forhold. Drikkevatn finn me i elva. Det er utedo på campen. Elles blir det å vaske seg og pusse tenner i vatnet/elva like ved.

Anna. Me tilrår at deltakarane har reiseforsikring.

 

Velkomen til alle – me gler oss!

 

BaseCamp Sommar, Tungestølen (13-16 år)

Er du mellom 13 og 16år og ynskjer ei utfordring? Då er BaseCamp Sommar på Tungestølen 22.-26.juni noko for deg! På ei lita veke får du prøvd mellom anna brevandring, klatring ...

Kontaktinformasjon: