Grunnkurs Hav (våtkort)

Kurs

Fra dato
28. august kl. 20:00
Til dato
30. august
Vanskelighetsgrad
Middels  
Passer spesielt for
Voksne
Arrangør
Sogn og Fjordane Turlag
Turområde
Fjordane (se kart)
Dette arrangementet er over!

DATO: 28. – 30. august
PRIS: kr. 4500,- medlem/ kr. 4900,- ikkje-medlem
STAD: Bulandet, øyrike vest for Askvoll
KURSLEIAR: Instruktør Njord AS

Kajakksamling i Bulandet  28.-30. august

I samarbeid med Njord AS vil Sogn og Fjordane Turlag tilby innføringskurs i kajakkpadling. Kurset vil gå over to dagar frå laurdag til søndag. Kom til Bulandet fredag kveld.

Kurset er for deg som er nybyrjar eller har  noko erfaring i kajakkpadling.

Kurset vil gje innføring i:

  • Kajakk og utstyr
  • Padleteknikk
  • Redning
  • Tryggleik når ein er på tur
  • Tips og råd  for størst mogeleg glede på sjøen
  • Turplanlegging - kart.

Det vil særleg bli lagt vekt på tryggleik og redning laurdag, medan vi søndag dreg på tur rundt dei mange øyane i Bulandet.

Utstyr og kajakk:

Inkludert i prisen er leige av kajakk (avslag kr. 350 visst eigen kajakk), padleåre, spruttrekk, våtdrakt, padlejakke, våtsko, turbag og alt av tryggleikutstyr som trengst.

Overnatting:

Det vert innkvartering i rorbuer hjå Liv Gjørøy. Ta med lakenpose/ sengety eller sovepose. Fordelinga på hytter vert gjort i førekant tett på kurset, og alle skal få seng og plassert med sine kjende.

Mat:

Servering kveldsmat (fredag), frukost m/matpakke (laurdag/søndag), middag (laurdag) hjå Liv Turid Gjørøy.

Klede/ utstyr: ( sjå også info Njord)

Ta med ekstra varme klede (+ byte) til utandørs bruk og vindtette ytterklede. Spesielt varm genser/jakke og ekstra sokkar er viktig.

Anbefalt personleg utstyr

•          Tørt klesskift som er klar når ein kjem på land

•          Stillongs i ull, gjerne eit par stk

•          Ulltrøye, gjerne eit par stk

•          Ullsokkar, gjerne eit par sett

•          Tjukk fleece eller ullgenser

•          Varm jakke til pausane

•          Hue og/eller neoprenhette

•          Hanskar

•          Solkrem og solbriller

•          Handklede

•          Mat

•          Drikke, kald og varm

•          Snacks

•          Kamera (helst vasstett)

Tidskjema:

Oppmøte fredag i Floren hjå Liv Gjørøy, Bulandet kl. 20.30
Start laurdag kl. 08.00
Start søndag kl. 09.00
Avslutning søndag kl. 14.00.

Reise til Bulandet:

For å komme til Bulandet må ein ta ferje frå Askvoll til Værlandet. Denne har avgang fredag kveld kl 19.15 og 21.35 (NB siste avgang). Har ein høve til å nå avgangen kl 19.15, er det å anbefale. Ein får då god tid fredag kveld til innkvartering og informasjonsmøte med Njord.

Møt opp hjå Liv Gjørøy til måltid fredag kveld kl. 20.30. Her vil kursleiarar frå Njord gi informasjon.

Kursavgift:

Kursavgifta er for medlem, kr. 4500, ikkje medlem kr. 4900. Dette dekkjer instruksjon, alt utstyr, matservering (kveldsmat, frukost x 2, middag)  og overnatting. Påmelding og betaling på nett.

Njord sin kontaktperson, Roger Kløvtveit (971 94 511) har ansvaret for gjennomføring av kurset i Bulandet.

Grunnkurs Hav (våtkort)

DATO: 28. – 30. august PRIS: kr. 4500,- medlem/ kr. 4900,- ikkje-medlem STAD: Bulandet, øyrike vest for Askvoll KURSLEIAR: Instruktør Njord AS Kajakksamling i Bulandet  28.-30. august I samarbeid med ...

Kontaktinformasjon:

  • Astrid Kalstveit
  • Tlf. 482 36 615
  • E-post: sft@dnt.no