BaseCamp Kyst ved Dalevatnet i Bremanger

Arrangement

Fra dato
9. august kl. 18:00
Til dato
13. august kl. 12:00
Vanskelighetsgrad
Enkel  
Passer spesielt for
Ungdom
Arrangør
Sogn og Fjordane Turlag
Turområde
Fjordane (se kart)
Dette arrangementet er over!

BASECAMP KYST, BREMANGER

Er du mellom 14 og 16år? Er fridykking og kajakkpadling ute i havgapet noko som verkar spennande? Då bør du melde deg på BaseCamp Kyst! 

DNT Ung Sogn og Fjordane arrangerer BaseCamp Kyst ved dalevatnet i Bremanger Kommune 9-13.august for ungdom frå 14 til 16år. 

Meld deg på, enten saman med ein ven eller åleine. I løpet av dagane på Basecamp har du garantert fått nye turvener. 

Kva er BaseCamp Kyst? På BaseCamp Kyst får du testa ut mange ulike og spennande vann- og kystaktivitetar på ei lita veke. På programmet står fridykking, kanopadling, sykling, fottur, og hjortesafari. BaseCamp er fyrst og fremst utroleg sosialt, og du vil garantert bli kjend med mange andre ungdomar på same alder. Det vert ikkje sett spesielle krav til ferdigheiter eller forkunnskap om friluftsliv. Under BaseCamp Kyst har me ein fast leirstad der me søv i lavvoar, men har moglegheit til å gå inn på skulehuset, me syter sjølv for matlaging.  

Nyfiken på kor Bremanger er? Denne flotte plassen med dei kvite strendene ligg heilt Nord i Vestland Fylke. Sjå her: https://ut.no/kart#11.39/61.8537/4.9588

For å komme deg til leirområdet, følg fv 616 mot Bremanger, når du kjem til Dalevatnet, ligger skulehuset ved ein plass som heiter Varpe. Sjå etter DNT vimpel ved vegen! Samla køyretid frå Førde til Bremanger er ca 2 timar. 

Ikkje medlem i DNT? Det kostar kr 220 for skuleungdom (13-18 år).-, og du kan melde deg inn her: https://www.dnt.no/innmelding/registrering/? 

__________________________________________________________________________________

Generell informasjon 

Alle deltek på fellesaktivitetane. Leirleiarane vil til ein kvar tid vere med gruppa, og i tillegg vil det vere instruktørar og hjelparar til dei ulike aktivitetane.  

Har du allergi, sjukdom eller anna som må takast omsyn til, set vi pris på om du gir beskjed om dette på førehand.  

Leirplass. Me søv i lavvoar. Men har tilgang til det gamle skulehuset ved Dalevatnet. Det har både kjøken, opphaldsrom, toalett, bad, og er rikt utstyrt av reiskap til matlaging. Deltakarane blir fordelt i lavvoane, kjønnsdelt. 

Me nyttar sykkel som tansportsmiddel. Har du høve ta med sykkel er det veldig fint! 

Tryggleik. Det vert gjort risikovurdering av området og aktivitetane på førehand. Me vil gjere dette så trygt som mogleg. Det er viktig at deltakarane rettar seg etter dei instruksane som vert gitt i samband til aktivitetane og i andre situasjonar. Me har alltid med oss førstehjelpsutstyr. 

Mat. All mat som vert nytta til fellesmåltida vert kjøpt inn. Me et frukost på skulehuset eller ute, og smørar med oss lunsj som me et ute på tur. Det vert også tilgang på frukt i løpet av dagen. På kvelden lagar me felles middag på grill, kokeapparat eller omn. Meny for middag vert satt opp på førehand. Gje beskjed i god tid om du har matallergiar eller anna som vi må ta omsyn til i planlegginga av mat.  

Sanitære forhold. Skulehuset har både toalett og dusj. 

Anna. Me tilrår at deltakarane har reiseforsikring. 

  

Velkomen til alle – me gler oss!  

BaseCamp Kyst ved Dalevatnet i Bremanger

BASECAMP KYST, BREMANGER Er du mellom 14 og 16år? Er fridykking og kajakkpadling ute i havgapet noko som verkar spennande? Då bør du melde deg på BaseCamp Kyst!  DNT Ung Sogn ...

Kontaktinformasjon:

  • Sogn og Fjordane Turlag
  • Tlf. 482 36 615
  • E-post: sft@dnt.no